Inxhinier Elektrik ne Mirembajtje/Zbatim ne Impiantet Fotovoltaike Fier
About the job
Në kuadër të plotësimit të personelit, Kompania ITE Enineering shpk që operon në fushën e zbatimit të projekteve elektrike është duke kërkuar të punësojë Inxhinier Elektrik në Mirëmbajtje/Zbatim në Impiantet Fotovoltaike.
Objektivi i këtij pozicioni është të sigurojë performancën optimale të impianteve fotovoltaike përmes mirëmbajtjes profesionale, zbatimit korrekt të punimeve dhe garantimit të funksionimit të sigurt dhe të qëndrueshëm të sistemeve elektrike.
Detyrat
- Monitorimi i funksionimit të sistemeve elektrike të impianteve fotovoltaike (module PV, invertera, transformatorë, panele elektrike, kabllime DC/AC, sisteme mbrojtjeje dhe kontrolli).
- Kryerja e kontrolleve periodike, diagnostikimeve dhe evidentimit të problematikave teknike në impiant.
- Realizimi i mirëmbajtjeve preventive dhe korrigjuese sipas planeve të mirëmbajtjes.
- Analizimi i alarmeve dhe defekteve të inverterave, sistemeve SCADA/monitorimit dhe pajisjeve elektrike.
- Ndjekja dhe koordinimi i punimeve të instalimit, montimit dhe vënies në punë të pajisjeve elektrike.
- Mbikëqyrja e zbatimit të punimeve elektrike në terren sipas projekteve, skemave elektrike dhe specifikimeve teknike.
- Kontrolli i cilësisë së materialeve dhe pajisjeve të përdorura gjatë zbatimit.
- Leximi dhe interpretimi i skemave elektrike, vizatimeve teknike dhe dokumentacionit të projektit.
- Kryerja e matjeve dhe testeve elektrike (izolim, vazhdimësi, tokëzim, tension, rrymë etj.).
- Përgatitja e raporteve teknike mbi mirëmbajtjen, ndërhyrjet dhe gjendjen e pajisjeve.
- Identifikimi i nevojave për pjesë këmbimi dhe koordinimi i ndërhyrjeve teknike.
- Bashkëpunimi me ekipet e instalimit, operatorët, furnitorët dhe kontraktorët teknikë.
- Sigurimi i respektimit të procedurave të sigurisë në punë dhe standardeve për punimet elektrike.
Kualifikimet
- Diplomë Bachelor/Master në Inxhinieri Elektrike (preferohet profil energjetik).
- Eksperiencë në mirëmbajtje ose zbatim të sistemeve elektrike; eksperienca në impiante fotovoltaike përbën avantazh.
- Njohuri mbi sistemet PV, inverterat, pajisjet e tensionit të ulët/mesëm dhe mbrojtjet elektrike.
- Aftësi për të analizuar skema elektrike dhe dokumentacion teknik.
- Njohuri bazë mbi sistemet e monitorimit (SCADA) dhe diagnostikimin e defekteve.
- Aftësi organizative, përgjegjësi dhe orientim drejt zgjidhjes së problemeve.
- Gatishmëri për punë në terren dhe ndërhyrje teknike sipas nevojës.
Shënime
Për të aplikuar për këtë pozicion, ju lutem dërgoni CV të detajuar deri në dt. 30/09/2026 pranë Departamentit të Burimeve Njerëzore me email: ralla@itegrup.al
Vetëm personat që plotësojnë kriteret e vendosura më sipër do të kontaktohen.
Rreth kompanisë
“ITE Group” paraqitet në tregun shqiptar si një nga firmat kryesore për materiale elektrike, pajisje elektronike dhe telekomunikacionit. “ITE Group” në rolin e distributorit në Shqipëri, është përfaqësuese e firmave nga më prestigjiozet në botë. Partnerët tanë të rëndësishëm janë: “Schneider Electric”, “Philips”,“General Electric”, “Vimar”, “Vortice”, “Arnocanali”, “Special Cavi Baldasari”, “Femi CZ”, “Electrocanali”, "Bosch" etj. Partneret e zgjedhur paraqesin në çdo kohë cilësi të produkteve dhe shërbimeve të tyre, duke ofruar standarde të larta dhe garantuar suksesin e “ITE Group”....