Financier

TechnoBuild 2018, është një kompani e cila eshte e fokusuar në zhvillimin e projekteve në Shqipëri.

TechnoBuild 2018, është një nga grupet e investimeve që do të sjellë një risi në Shqipëri që mishëron standardet ndërkombëtare me ekspertizë vendase. E themeluar në vitin 2018 në Tiranë e cila ka në zbatim disa projekte zhvillimore në rrugën “Ramazan Farka”, pranë Kopshtit Botanik” pranë rrugës “Teodor Keko” etj.

Pozicioni: Financier
Departamenti: Financa
Vendndodhja: Tiranë

Përshkrimi I pozicionit: Ai/Ajo është përgjegjës për verifikimin dhe kontabilizimin e faturave të blerjeve dhe shitjeve, duke siguruar përputhjen e tyre me legjislacionin fiskal në fuqi dhe procedurat e brendshme të shoqërisë.Gjithashtu, është përgjegjës për ndjekjen e kontratave dhe arkëtimeve nga klientët, duke garantuar përputhjen ndërmjet kushteve kontraktuale dhe pagesave të realizuara.

Ai/Ajo kontrollon dhe analizon në mënyrë të detajuar shpenzimet dhe të ardhurat mujore të projekteve që ka në ndjekje, me qëllim sigurimin e saktësisë dhe integritetit të të dhënave financiare.

Detyrat

• Verifikon, regjistron dhe ndjek faturat e blerjeve dhe shitjeve, duke siguruar përputhjen me kontratat dhe dokumentacionin mbështetës
• Kryen kontabilizimin mujor të gjitha transaksioneve financiare në përputhje me Standardet Kombëtare të Kontabilitetit dhe legjislacionin në fuqi
• Monitoron dhe analizon shpenzimet dhe të ardhurat mujore për secilin projekt në ndjekje, si dhe përgatit raportet financiare përkatëse
• Ndjek raportet e kontratave dhe arkëtimeve të klientëve, duke siguruar përputhjen ndërmjet kontratave dhe pagesave të realizuara
• Përgatit raportet e fitim-humbjes sipas projekteve dhe analizon ecurinë financiare të tyre
• Bashkëpunon ngushtë me departamentet e tjera për verifikimin e dokumentacionit financiar të projekteve në zhvillim
• Asiston në përgatitjen e deklaratave mujore tatimore, përfshirë librat e blerjeve dhe shitjeve, TVSH-në dhe tatimin në burim
• Merr pjesë në procesin e mbylljes mujore dhe vjetore të pasqyrave financiare dhe bilancit
• Siguron ruajtjen dhe arkivimin korrekt të dokumentacionit kontabël në përputhje me procedurat e kompanisë
• Ndjek dhe menaxhon komunikimin me furnitorët dhe klientët për çështje që lidhen me faturat, pagesat dhe dokumentacionin financiar

Kualifikimet

• Të zotërojë diplomë universitare në Financë/Kontabilitet.
• Të ketë 2–4 vite eksperiencë profesionale në fushën e ndërtimit.
• Të zotërojë njohuri të mira mbi Standardet e Reja Kombëtare të Kontabilitetit (SKK).
• Të jetë i aftë të punojë në mënyrë të pavarur dhe me mbikëqyrje minimale.
• Të demonstrojë iniciativë, aftësi të mira komunikimi dhe punë efektive në grup.
• Të jetë i orientuar drejt zgjidhjes së problemeve dhe ndjekjes së tyre deri në përfundim.
• Të ketë njohuri të mira praktike në programet Financa 5 dhe/ose Microsoft Dynamics NAV.
• Njohja e gjuhës angleze përbën avantazh.
• Eksperienca mbi 2 vite në kompani ndërtimi ose investimi konsiderohet përparësi.

Shënime