Drejtor Kantieri

HR Studio po kërkon një Drejtor Kantieri, me eksperiencë në projektim, zbatim dhe menaxhim të projekteve të ndërtimit. Pozicioni kërkon një profil teknik dhe menaxherial, i aftë të drejtojë kantierin nga faza e analizës së projektit deri në realizimin dhe dorëzimin përfundimtar të punimeve.

Detyrat

• Drejtimi dhe menaxhimi i përgjithshëm teknik dhe operacional i kantierit.
• Shqyrtimi, koordinimi dhe ndjekja e projekteve teknike dhe ekzekutive.
• Përfshirja në procesin e projektimit dhe dhënia e zgjidhjeve teknike sipas kushteve reale të kantierit.
• Planifikimi dhe organizimi i fazave të punimeve sipas projektit dhe afateve të përcaktuara.
• Koordinimi i inxhinierëve, teknikëve, brigadave të punës, nënkontraktorëve dhe furnitorëve.
• Kontrolli i zbatimit të projektit dhe verifikimi i përputhshmërisë së punimeve me specifikimet teknike.
• Monitorimi i cilësisë së punimeve, materialeve dhe standardeve të ndërtimit.
• Hartimi dhe ndjekja e grafikut të punimeve dhe respektimi i afateve të projektit.
• Evidentimi i problematikave teknike gjatë zbatimit dhe propozimi i zgjidhjeve të përshtatshme.
• Kontrolli dhe optimizimi i përdorimit të materialeve, pajisjeve dhe burimeve njerëzore në kantier.
• Bashkëpunimi me projektues, arkitektë, inxhinierë, investitorë dhe palë të tjera të përfshira në projekt.
• Përgatitja e raporteve periodike mbi ecurinë fizike dhe teknike të punimeve.
• Mbikëqyrja e respektimit të rregullave të sigurisë dhe shëndetit në punë.
• Kontrolli i dokumentacionit teknik të kantierit dhe koordinimi i procesit deri në përfundimin dhe dorëzimin e projektit.

Kualifikimet

• Diplomë universitare në Inxhinieri Elektrike/Ndertimi ose profil të ngjashëm.
• Eksperiencë e konsiderueshme në drejtimin e kantiereve dhe menaxhimin e projekteve të ndërtimit.
• Eksperiencë dhe njohuri të mira në projektim dhe zbatim.
• Aftësi shumë të mira në leximin dhe interpretimin e projekteve teknike.
• Njohuri të programeve profesionale të projektimit dhe menaxhimit të projekteve.
• Aftësi të forta organizative, drejtuese dhe vendimmarrëse.
• Aftësi për menaxhimin e ekipeve dhe koordinimin e disa proceseve njëkohësisht.
• Orientim drejt cilësisë, afateve dhe zgjidhjes së problematikave në terren.
• Përgjegjshmëri dhe aftësi të mira komunikimi me ekipin, investitorët dhe bashkëpunëtorët.

Orari i punës: E hënë – E shtunë, 07:00 – 16:00.

Shënime